Bas kuch der ki hi baat thi

Subah uthte hi coffee banane nikle ...
Zara dost se bhi puch lete..
Uthe nei the tab to intezar kar lete...
Bas thodi hi der ki baat thi...
tayar hoke nikle gile balon me..
To Zara murjhaye hue podhe pe pani dal dete ...
Bas thodi hi der ki baat thi...
Office chalte hue raste ko taak rahe the...
Zara maa ko bhi call laga dete ..
Bas kuch hi der ki to baat thi...
Lunch break me bahar nikle ..
To dekhe lawn me safed rang k phool khile the ...
Thoda theher k use chu hi lete...
Bas kuch hi Der ki to baat thi...
Sham ko chai ki chuski k sath kuch batein chal rahi thi...
Kuch mail karna tha sayad...
Wapas Ake thoda der unse bhi baat kar lete bas kuch hi Der ki baat thi...
Sham ko khamosh apni desk pe bethe the...
Kuch Soch rahe the sayad...
Facebook pe dosto k kuch msgs the pade...
Zara reply hi kar dete ...
Bas kuch hi Der ki baat thi...
Mana zindagi Badi Tez hai...
Thoda ruk k has bhi lete ...
Zara aaine me apne  aap ko dekh hi lete...
Bas kuch hi Der ki baat thi...
Jab raat ko thak k sone aye...
Takiye k niche kitab padi h kabse...
Zara kuch panne palat hi lete...
Bas kuch hi Der ki to baat thi...
Anjane me kitna kuch reh jata h Baki ...
Sochte h kabhi to Karenge...
Kuch der ruk k unke bare me soch to lete....
Bas kuch hi Der ki to baat thi...